Everyone

Don Bosco Media Network

Jelly Bean

Ïa ngi ki Khristan ka Baibyl ka long ka Ktien u Blei.
U Blei U la jied kawei ka por (myn 2000-3000 snem) bad kawei ka jait bynriew (ki Ju) lem bad ki dustur, ki riti, bad ki rukom im jong ki, ban pynpaw ïa lade. Ki Hebru ki la sngew ba u Blei U ïai don hapdeng jong ki, ba U ïadon kti lang ha ki jingjia ka histori jong u Paid lajong: ha ka thma bad ka jingsuk, ha ka jingkha bad ka jingïap, ha ka jingjop bad ka jingshah rem. Da ka jingïalam jong u Mynsiem, ki Ju ki la thoh ïa kine ki jingshem, ban buh jingkynmaw ïa ka matti jong u Blei ha ka pyrthei. Kane ka Jingthoh ka dei ka Baibyl.
Ma ngi ki Khristan ngi ñiew ïa lade kum ki nonghiar pateng jong u Paid Balajied jong u Blei. Kum ki Hebru mynhyndai, ngi ruh ngi wad ïa ka jingthmu jong ka jingim. Nangno? Na ka Baibyl. Ha ka Jingthoh ngi shem ïa u Blei, ha ka Jingthoh ngi shem ïa ka mon jong U. U Blei U kren ha ngi lyngba ka Baibyl.

Ka ktien ‘Baibyl’ ka wan na ka plural ‘biblia’ jong ka ktien Grik ‘biblion’, kaba mut ‘kot rit’. Kumta, ha ka Grik, ka ktien ‘Baibyl’ ka mut ‘Ki Kot rit’. Kane ka long ka badei, namarba ka Baibyl kam long tang kawei ka kot, hynrei ka jinglum lang ïa ki 73 tylli ki ‘kot rit’: 46 tylli na ki la thoh shuwa ka jingwan u Khrist, 27 tylli hadien u Khrist.
Hynrei ki nongthoh Latin ki la shim ïa kane ka ktien Grik ‘biblia’ bad ki la pynlong ïa ka ka kyrteng singular: ‘Biblia’, tang kawei ka kitab. Dei na ka Latin ba ngi la ïoh ïa ka kyrteng Phareng ‘The Bible’, bad ka kyrteng Khasi ‘Ka Baibyl’—ka Kitab bakordor tam, ka Kitab jong ki kitab, KA KITAB !


Ka Baibyl Khasi

آخر إصدار من Ka Baibyl Khasi